“Temiryo‘lkargo” aksiyadorlik jamiyati vakillari ayni vaqtda Istanbuldagi xalqaro LogiTransTurkiya ko‘rgazmasida mehmon sifatida ishtirok etishayapti. Ushbu ko‘rgazmada 23 davlatdan kelgan 201 ta kompaniya o‘z mahsulotlari va xizmatlarini namoyish etishayapti.
Transport logistikasi, katta hajmli yuklarni tashish, ishlab chiqarish logistikasi hamda sohaga oid zamonaviy texnika, texnologiyalarini o‘zida qamrab olgan ushbu ko‘rgazmaga tashrif buyurganlar 12 ming nafarga yaqinlashdi.
Ayni kunlarda “Temiryo‘lkargo” AJ bosh direktor bosh maslahatchisi Azamat Razzakov, multimodal tashuvlar bo‘limi mutaxassisi Murod Abdurahimovlar ko‘rgazma ishtirokchilari bilan uchrashib, ular taklif qilayotgan xizmatlar bilan tanishishayapti.
O‘z navbatida “Temiryo‘lkargo” AJ imkoniyatlari bilan boshqalarni ham tanishtirishayapti.
35 ga yaqin logistik kompaniyalar bilan bo‘lgan uchrashuvlar har ikki taraf uchun ham manfaatli bo‘ldi deb aytish mumkin. Sababi, vakillarimiz bo‘lajak hamkorlar bilan suhbatlashish asnosida jamiyatimiz tomonidan ko‘rsatilayotgan multimodal yuk tashish xizmati haqida ham batafsil ma’lumotlar berishayapti.